Школьная экскурсія "Падарожжа ў культурна-спартыўны комплекс Мінск-арэна"
Што можа быць цікавей, чым падарожжа. Дванаццатага лістапада самыя лепшыя спартсмены нашай установы адукацыі са школьнай экскурсіяй наведалі знакаміты культурна-спартыўны комплекс Беларусі "Мінск-арэну".
Збіраемся ў падарожжа. Дзень выдаўся па-восеньскі марозны і сонечны.
Вось і Мінск-арэна: прыгожы, пабудаваны па самых новых тэхналогіях, будынак.
Сучасная праверка білетаў
Падымаемся на пяты паверх. Пасля невялікай эскурсіі па спартыўнаму комплексу нас чакае хакейны матч паміж камандамі "Дынама" (Мінск) і "Амур" (Хабараўск).
Калі вы ніколі не былі на хакеі, раім вам абавязкова туды патрапіць. Самае першае і незабыўнае пачуцце, калі адчыняеш дзверы, напаўняешся веліччу і прыгажосцю моманта - перад табой пятнаццацітысячная
арэна, сучасная і мадэрнізаваная.
Размінка каманд перад матчам.
Трыбуны запаўняюцца, і напачатак гульні колькасць прысутнічаючых саставіць 14640 чалавек.
Напружаная барацьба, прыгожы тэхнічны хакей, наша каманда "Дынама" перамагла з лікам 3:0 .
Поўныя пазітыўных эмоцый вяртаемся дадому.
